Jessica喺美国芝加哥出世，阿爸係美国人，阿妈係菲律宾华人。阿爸阿妈喺佢9岁时离婚，佢同两个妹跟住阿妈生活。

2003年，15岁嘅Jessica喺阿妈嘅鼓励之下去咗试镜，第二年畀模特儿公司取录咗。之后安排去香港发展，但係唔係几顺利，后嚟转到日本做模特儿，辗转喺日本过咗五年。2009年，Jessica为咗巴西籍男朋友返到香港发展，帮佳能打印机拍咗一辑广告之后一砲而红，亦因为佢出众嘅身材，而畀香港传媒冠以「警钟胸」嘅外号。

2011年10月10号去完尖沙咀警署接受调查之后畀香港警察拉咗，涉嫌同2010年7月30号喺尖沙咀一单偷钱案有关。